بعض اللقافة والكلمات اللي ترفع الضغط
وودك تتوطى في بطن اللي قالها
مثــلا :-
أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا أبرقص على الاغاني,, أكيد أبنام ))
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "
(( لا رحنـــا ,, أكيد جينا وأنت وش تشوف ))
والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! ! !
((لا أبدخل ,, أيه أبطلع ))
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
(( لا ابي امشي على ارجولي. . . . أكيد أنا ماشي ))
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , أكيد أبكلم ))
مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , أيه أذاكر ))
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل ))
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لابيقولهم عظم الله اجركم ,,اكييد بيقول هالعبارة ))
والأسخف من هالبديهيات اللي تضيع وقتنا إذا قابلو مع الاطفال, , ,
يقول المذيع للطفل :- أنت تحب ماما وبابا ! ! !
(( لا أحبك انتا,,اكييد يحبهم ايش السؤال السخييف داا ))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا أبروح أكفخهم وأسوي هوشه , , , أكيد أبعايدهم ))
واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار
(( والله جاي اشوف مباراه البرازيل والهند... اكيد اني بسافر ))
اتصل احد اصدقاءك وسالك وينك؟ رديت وقلتله بالحلاق 0 ويرد عليك شعندك بالحلاق؟
(( افصل ثوب............اكيد احلق))